Search

Natuur Adventskalender Dag 11

Die Seun van God se geboorte aangekondig

Toe Elisabet ses maande swanger was, het God die engel Gabriël na Nasaret, ’n dorp in Galilea, gestuur na ’n jong meisie met die naam Maria.


Sy was verloof aan ’n man met die naam Josef, ’n afstammeling van koning Dawid. Gabriël het aan haar verskyn en gesê: “Ek groet jou, geseënde vrou! Die Here is met jou!” Verward en ontsteld het Maria gewonder wat die engel se begroeting kon beteken. “Moenie bang wees nie, Maria,” het die engel gesê, “want God het besluit om jou te seën! Jy sal swanger word en ’n seun hê en jy moet Hom Jesus noem.


Hy sal groot wees en die Seun van die Allerhoogste genoem word. En die Here God sal Hom die troon van sy voorvader Dawid gee. Hy sal vir ewig oor Israel regeer; en sy koningsheerskappy sal nooit eindig nie!”


Maria het vir die engel gevra: “Maar hoe kan ek ’n kind hê? Ek was nog nooit by ’n man nie.” Die engel het geantwoord: “Die Heilige Gees sal oor jou kom en die krag van die Allerhoogste sal jou toevou. Daarom sal die kind wat gebore word, heilig en die Seun van God genoem word. Meer nog, jou familielid Elisabet het in haar gevorderde ouderdom swanger geword! Mense het altyd gesê sy is onvrugbaar, maar sy is al in haar sesde maand, want niks is onmoontlik vir God nie.”


Maria het geantwoord: “Ek is die Here se dienares en gewillig om te aanvaar wat Hy ook al wil hê. Mag alles wat jy gesê het, waar word.” Toe het die engel weggegaan.

Lukas 1:26-38

'n Engelekoor

Jy benodig:

2 Weggooi koppies

2 ronde klippe

(Tafeltennisballetjies kan ook mooi werk)

Handoekrol

Houtlym (Ponal)

Verfkwas

Mooi blare / blomme

Vier Korrelogies (Googly Eyes)

Bedek die koppies met handrol (in gom gedruk,)om klere vir die engel te vorm.

Plak die klippie-kop bo-aan die lyfie vas en teken die engel se gesiggie

Plak mooi blaar vlerke vas aan die lyfie

As jy fyn blommetjies het kan dit mooi lyk vir hare

Posisioneer jou engele aan weerskante van die stal agter.

#Swaeltjiewoud #NatuurAdventskalender #NAKDag11

6 views0 comments

Recent Posts

See All